Behieko gaztak Etxeberri Goikoa baserritik datoz. Lurrarekin lotzen gaituzten gure hamar behien esnearekin behi gazta mota ezberdinak egiten ditugu. Baserria dibertsifikazioan oinarritzen da eta esnekiez gain, txekor haragia, oilaskoak, arrautzak eta barazkiak ekoizten ditugu.

Bertatik bertarako harremanetan sinisten dugu eta lehengaiak ahalik eta gertuenetik ekartzen ditugu; eta era berean, gure salmenta modu zuzenean bideratzen dugu.

Autonomia eta zikloen itxierak proiektu bideragarriagoa eta jasangarriagoa ahalbideratzen dute: ontziak berrerabiltzen ditugu eta energia berriztagarrien aldeko apustua egin dugu.